پولیس فائرنگ سے شہری کا قتل، اے ایس آئی کو سزائے موت کا حکم – ایکسپریس اردو

0
9

2018ء کو مجرم کی فائرنگ سے رکشا میں سوار مقصود جاں ہوگیا تھا جب کہ پولیس نے واقعے کو ڈکیتی کا رنگ دیا تھا . فوٹو : فائل

 کراچی: انسداد دہشت گردی کی خصوصی عدالت نے پولیس کی فائرنگ سے قتل ہونے والے شہری مقصود کے قتل کے مقدمے میں مجرم اے ایس آئی طارق کو سزائے موت کا حکم دے دیا۔

کراچی سینٹرل جیل میں انسداد دہشت گردی کمپلیکس میں خصوصی عدالت نمبر 16 نے پولیس کی فائرنگ سے قتل ہونے والے شہری مقصود کے قتل کیس کا فیصلہ سنا دیا۔

عدالت نے مجرم اے ایس آئی طارق کو سزائے موت سناتے ہوئے 2 لاکھ روپے ہرجانہ لواحقین کو ادا کرنے کا حکم بھی دیا۔ عدالت نے مقدمہ میں مفرور عاشق حسین چاچڑ کے تاحیات وارنٹ گرفتاری جاری کردیے۔

18 فروری 2018ء کو مجرم نے دیگر ساتھیوں کے ہمراہ رکشا پر فائرنگ کی۔ فائرنگ سے رکشا میں سوار مقصود جاں بحق جبکہ اس کا دوست زخمی ہوگیا۔ پولیس نے واقعہ کو ڈکیتی کا رنگ دیا۔ عدالت نے ہرجانے کی عدم ادائگی پر ملزم کو مزید 6 ماہ قید کا حکم دے دیا۔



Source   by   Express News

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں